''Тавантолгой түлш'' компани ажилчидтайгаа зөвшилцөнө

Үндэслэлгүйгээр цалин хассан, үр дүнгийн болон улирлын цалин олгоогүй гэх шалтгаанаар "Тавантолгой түлш” компанийн ажилчид есдүгээр сарын 30-наас эхлэн ажил хаялт зарласан билээ. Тэд мөн ажлын орчин нөхцөлийг сайжруулахыг шаардаж байгаа юм. 

 Монголын эрчим хүч, геологи уул уурхайн үйлдвэрчний эвлэлийн холбооны дарга Х.Буянжаргал ‘’ Ажил хаялтыг Үйлдвэрчний эвлэл зохион байгуулах хуулийн заалттай байдаг. Гэвч тус компанийн ажилчид үйлдвэрчний эвлэлгүйгээр эсэргүүцлийн ажиллагаа эхлүүлсэн. Компанийн зүгээс асуудлыг шийдвэрлэхгүй бол цаашид ажилчдын хөдөлмөрлөх эрхтэй холбоотой тэмцэлийг Монголын эрчим хүч, геологи уул уурхайн үйлдвэрчний эвлэлийн холбооноос хуулийн хүрээнд  дэмжин ажиллах болно’’ гэлээ. 

Улмаар өнөөдөр 15 цагт талууд уулзаж, зөвшилцөхөөр болсон байна.

Галлагааны улирал эхэлж, сайжруулсан түлшний эрэлт эрс нэмэгдэж байгаа үед ''Тавантолгой түлш''  компани дотоод асуудлаа шийдвэрлэж чадахгүй байгаа нь нийслэлчүүд энэ өвөл гал алдах эрсдэл дагуулж байна. 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)