Шатахууны талонд мах дагалдуулж борлуулсан компанийг 20 сая төгрөгөөр торгожээ

Шатахууны борлуулалт хязгаарлалттай байгаа энэ үед хэрэглэгчдэд болзол тулгаж худалдаа хийсэн "Синчи фуудс" ХХК-д 20 сая төгрөгийн торгосон тухай Шударга өрсөлдөөн, хэрэглэгчийн төлөө газраас мэдэгджээ. Тодруулбал, "Синчи фуудс" ХХК нь өөрийн нэрийн "Махлаг" махны төрөлжсөн мухлагт худалдаалж буй бүтээгдэхүүнээс худалдан авалт хийсэн тохиолдолд "Синчи ойл" шатахуун түгээх станцаас 40,000 төгрөгийн шатахууны талон олгож байгаа тухай хэрэглэгчдээс гомдол ирүүлсэн байна. Уг гомдолд 2021 оны есдүгээр сарын 23, 24-ны өдөр хяналт, шалгалт хийж дээрх үйлдэл нь Зөрчлийн тухай хуулийн 10.7 дугаар зүйлийн 4.7 дахь хэсгийг зөрчсөн нь тогтоогдсон тул 20 сая төгрөгийн торгууль оногдуулжээ.
Зөрчлийн тухай хуулийг 10.7 дугаар зүйлийн 4.7 дахь хэсэгт

Хууль ёсны ашиг сонирхолд харшлах, эсхүл хэрэглэгчийг хууль бусаар хохироох худалдааны арга хэрэглэх үйл ажиллагаа явуулсан нь эрүүгийн хариуцлага хүлээлгэхээргүй бол хууль бусаар олсон хөрөнгө орлогыг хурааж, учруулсан хохирол, нөхөн төлбөрийг гаргуулж хүнийг хоёр мянган нэгжтэй тэнцэх хэмжээний төгрөгөөр, хуулийн этгээдийг хорин мянган нэгжтэй тэнцэх хэмжээний төгрөгөөр торгоно гэж заажээ.
 

Сэтгэгдэл бичих (5)

Таны сэтгэгдэл нийтлэгдсэн.

Фейсбүүкээр нэвтрэх

1. 

   цэвэлээ 2021/09/25

   больж

   1 0 Хариу бичих

   • 

     Зочин 2021/09/25

     зөв

     0 0
2. 

   Зочин 2021/09/25

   Мах авбал бензин өгнө гэж юу гэсэн үг вэ

   0 0 Хариу бичих

   • 

     өрсөлдөөн 2021/09/25

     бензин махыг нь хувааж авчаад, 200 саяар торгочоод бүх юмыг нь хэмхлээд газартай тэгшлээд хаях хэрэгтэй

     0 0
   • 

     Зочин 2021/09/25

     Колонкийн хажууд байгаа өөрсдийнх нь дэлгүүрээс мах худалдаж авахгүй бол бензин зарахгүй гэж дарамталсан гэсэн. ийм луйварчдийг бол 20 биш 200 саяаар торгох хэрэгтэй.

     0 0