Хэлмэгдэгсдийн хөшөөнд цэцэг өргөж, хүндэтгэл үзүүллээ

Монгол Улсын Ерөнхийлөгч У.Хүрэлсүх, Улсын Их Хурлын дарга Г.Занданшатар, Ерөнхий сайд Л.Оюун-Эрдэнэ нар өнөөдөр Хэлмэгдэгсдийн хөшөөнд цэцэг өргөлөө.

Цэцэг өргөх ёслолд УИХ-ын дэд дарга, Цагаатгах ажлыг удирдан зохион байгуулах Улсын комиссын дарга С.Одонтуяа,  Цагаатгах ажлыг удирдан зохион байгуулах Нийслэлийн салбар комиссын дарга Ж.Батбаясгалан болон албаны бусад хүмүүс, хэлмэгдэгсдийн ар гэр, төрөл төрөгсөд оролцов. Жил бүрийн есдүгээр сарын 10-ны өдрийг улс төрийн хилс хэрэгт хэлмэгдэгсдийн дурсгалыг хүндэтгэх өдөр болгон орон даяар хүндэтгэн өнгөрүүлж байх тухай УИХ-ын шийдвэр 1996 онд гарсан.

Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн хүрээнд 17 мянга орчим хүнд нийтдээ 16 тэрбум төгрөгийн нөхөн олговрыг өнгөрсөн хугацаанд төрөөс олгоод байна. Мөн хилс хэрэгт шийтгэгдсэн 31604 хүнд холбогдох 10226  хэргийг цагаатгажээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Манай улсын шинэ үеийн түүхийн маш том сургамж.Одоо нэн шинэ үеийнхээ хэлмэгдүүлэлтийг эхлээд явж байна даа. Сургамж аваагүй л байна. Ерөнхий сайдуудаа мөрдөж мөшгөөд, болж л өгвөл шоронд хийх гээд байх юм. Энэ санаа хэнээс гараад, хэн зүтгүүлээд байна аа. Үхлийн архив гэдэг шиг Нямдоржоос биш биз. Дэмбэрэл дарга УИХ дээр Нямдоржоо чи будаач будаач гэхээр хамраа будав. гэдэг шиг хуульч хуульч гэхээр занаач битгий болоод бай гэх утгатай юм хэлээд таг дуугүй болгож байсан даа.

    0 0 Хариу бичих