Б.Энххүслэн усан замд улсын рекордыг шинэчлэн тогтоолоо
Усанд сэлэлтийн эмэгтэйчүүдийн 50 метрийн өврөөр даллах төрлийн урьдчилсан шат үргэлжилж байна. Энэ төрөлд 81 тамирчин хурд сорьж буй бөгөөд манай сэлэгч Б.Энххүслэн тав дахь гараанд уралдлаа. Тэрбээр 2019 оны ДАШТ-д 27.66 секундын амжилтаар улсын рекорд тогтоосон. Тэгвэл олимпын наадмын усан замд 27.29 секундээр улсынхаа рекордыг шинэчлэн тогтоолоо. Тэрбээр энэ гараандаа дөрөвдүгээр байр эзэлсэн юм.
ОУХМ М.Дэлгэрхүү 50 метрийн өврөөр даллах сэлэлтийн тав дахь гараанд хурд сорьж, 24.63 секундын амжилт үзүүлжээ. Тэрбээр 2019 оны ДАШТ-д энэ зайг 23.93 секундэд туулж, улсын рекордыг шинэчлэн тогтоосон.
Гэвч энэ удаа тэрхүү үзүүлэлтдээ хүрч чадсангүй. Энэ төрлийн урьдчилсан шатны уралдаан үргэлжилж байна. М.Дэлгэрхүүгийн уралдсан зайд 73 тамирчин хурд сорьж байна.
Зочин 1 сарын өмнө
Усан спортыг барьж аваад хариуцаад хөгжүүлчих "Женко"Баттулга шиг нэг тийм бизнесмен хэрэгтэй байнаа. Эсвэл Цагаан шиг өөрийнхөө хөрөнгөөр нэг тийм Спортын Бассейн бариулчих хүн. Туул голд бэлтгэл хийсэн зачуучууд сайн л сэлж байна, дээр нь манай залуучууд сэлж сурахгүй бол яасан ч их живж үхэугээдэг вм бэ дээ
0 0 Хариу бичих