Токиогийн Олимпын наадамтай холбоотой 27 хүнээс коронавирусийн халдвар шинээр илэрсэн талаар тус наадмыг зохион байгуулах хорооноос өнөөдөр мэдээлжээ.
Тодруулбал, гадаадын гурван тамирчнаас халдвар илэрснээс хоёр нь тамирчдын хотхонд байрлаж байсан аж. Тэдний нэг нь АНУ-ын хөнгөн атлетикийн тамирчин, Дэлхийн хоёр удаагийн аварга, тулгууртай харайлтын тамирчин Сэм Кендрикс бөгөөд Ковид19 халдвар авсан учир Олимпын наадамд өрсөлдөх боломжгүй болжээ.
Өнөөдрийн байдлаар олимпын наадмын үед гарсан халдварын тохиолдлын тоо 220-т хүрсэн байна.
