Ховд аймгийн нутагт энэ сарын 28-нд байгалийн гамшигт үзэгдэл болжээ.
Тодруулбал, тус аймгийн Эрдэнэбүрэн сумын Баянгол багийн нутаг, Цамбагарав уулын өвөрт орших Долоон ногоон нуураас эх авдаг "Хусны гол" мөнх цасны хайлалт, аадар борооны улмаас 200-300 метрийн өргөнтэй үерлэн урссан байна.
Уг гамшигт үзэгдлийн улмаас 10 гаруй га ой мод сүйдэж, тус багийн айл өрхүүдийн зуслангийн гол замын "Хад үзүүр"-ийн гүүр, малчдын өвөлжөө, хаваржаа урсаж үгүй болсон нь урьдчилсан байдлаар тогтоогдсон байгаа аж.
