Жирэмсэн эмэгтэй Ковид19-ийн эсрэг вакцин тариулснаас болж ураг амьгүй болсон гэх мэдээлэл олон нийтийн сүлжээнд цацагдсан байна.
Энэ талаар ЭМЯ-ны газрын дарга Б.Буянтогтох мэдээлэл өглөө. Тэрбээр "Вакцины улмаас ураг амьгүй болсон гэх мэдээлэл ирээгүй. Энэ талаар мэдээллийг бидэнд өгөх хэрэгтэй, нягталж үзэх болно.
Өнөөдрийн байдлаар 5,300 орчим жирэмсэн эмэгтэй, хөхүүл хүүхэдтэй 3,590 орчим эх вакцин хийлгэсэн. Вакцин хийлгээгүй жирэмсэн эхчүүд халдвар авбал хүндрэх эрсдэл маш их байгаа" гэлээ.
