АТГ-ын дэд даргыг томилох томилгооны сонсгол хийнэ

УИХ-ын Хууль зүйн байнгын хороо ирэх долоо хоногт Томилгооны сонсголын тов тогтоох тухай тогтоолын төсөл хэлэлцэхээр төлөвлөжээ. Тодруулбал, АТГ-ын дэд даргыг томилох сонсгол зохион байгуулах юм байна. 

УИХ өнгөрсөн арванхоёрдугаар сард Авлигын эсрэг хуульд өөрчлөлт оруулсан. АТГ-ын дэд даргыг Ерөнхийлөгчийн санал болгосноор УИХ зургаан жилийн хугацаагаар томилдог зохицуулалтыг өөрчилж, АТГ-ын дарга нь өөрөө дэд даргаа томилдог болгосон. Авлигын эсрэг хуулийн 21.2-т "Авлигатай тэмцэх газар дэд даргатай байна. Дэд даргыг Авлигатай тэмцэх газрын даргын санал болгосноор Улсын Их Хурал томилгооны сонсгол хийж 6 жилийн хугацаагаар томилно" гэсэн заалт бий. Үүний дагуу АТГ-ын дэд даргыг томилох томилгооны сонсгол хийх юм байна. АТГ-ын дэд дарга Ж.Батсайхан нь өнгөрсөн арваннэгдүгээр сард өвчний улмаас таалал төгссөн юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)