Сансрын нисэгч Ж.Гүррагчаа ОХУ-ын төрийн дээд одон гарджээ

Сансрын нисэгч Ж.Гүррагчааг ОХУ-ын төрийн дээд одонгоор шагнах зарлигийг ОХУ-ын Ерөнхийлөгч Владимир Путин гуравдугаар сарын 15-ны өдөр гаргасан. 

Тэгвэл “Монгол, Оросын найрамдлын нийгэмлэг”-ийн тэргүүн, Сансрын нисэгч Ж.Гүррагчааг тус одонгоор шагнасныг ОХУ-ын Гадаад харилцааны сайд Сергей Лавров энэ сарын 1-нд Москва хотноо гардуулан өгсөн юм. 

Сансарт ниссэн Ази тивийн хоёр дахь, дэлхийн 101 дэх хүн болсон  Жүгдэрдэмидийн Гүррагчаа нь ОХУ-ын төрийн дээд шагнал Александр Невскийн одонгоор шагнагдсан анхны монгол иргэн болжээ.

Одон гардуулах үеэр, ОХУ-ын Гадаад харилцааны сайд Сергей Лавров, Ерөнхийлөгч В.Путины даалгавраар Монголын ард түмний агуу хүү, Оросын ард түмний анд нөхөр Ж.Гүррагчаад энэхүү одонг гардуулан өгч байгаадаа их баяртай байгаагаа илэрхийллээ. 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Tandbayr hurgeu. Mongol ulsiinhaa neriig DELHIID gargaj, ard tumendee hairlagdsan hunii jeg yah argsgui TA bilee. Ter ued zuragt neg suvagtai, oroi gants kino gardag bailaa. Getel taniig Sansart nissen ter oroi shoniin 2 tsag hurtel Zuragtaar goy goy Kino urgeljluulen garch gaihaj, bayrlaj uzej baital shono dund genet Mongol hun Sansart nissen tuuhen mochiig zuragtaar gargaj, ail orhoiroo bayrlaj baij bilee.

    0 0 Хариу бичих