"Ерөнхий сайд ЭХЭМҮТ-д бүрэн засвар хийх төсвийг батлуулах үүрэг өглөө"

Монгол Улсын Засгийн газрын ээлжит бус хуралдаан боллоо. Хурлаас гаргасан шийдвэрийн талаар Ерөнхий сайдын хэвлэлийн албанаас мэдээллээ.  

Ерөнхий сайдын Хэвлэлийн төлөөлөгч Ч. Болортуяа “Монгол Улсын Засгийн газрын ээлжит бус хуралдаан үргэлжилж байна. Хуралдаанаар 10 орчим асуудал хэлэлцэхээр төлөвлөгдсөн. Эхний асуудал бол хүүхдийн эрхийг хангахтай холбоотой багц асуудлыг хэлэлцсэн. Уг асуудалд:

  • Үндэсний соёл амралтын хүрээлэнгийн эзэмшлийн газрыг зориулалтын бусаар ашиглахыг хориглолоо. Паркын хашаан дотор зориулалтын бусаар баригдсан байгууламжуудын эрхийг цуцлах, шинээр зөвшөөрөлгүй барилга барихыг хориглолоо.
  • “Найрамдал” зусланд бүрэн засвар хийнэ. Мөн тухайн газар нутагт шинээр газар олгохгүй байхыг үүрэг болголоо. Түүнчлэн “Найрамдал II” зуслан байгуулах зардлыг ирэх оны улсын төсөвт тусгуулна.
  • Хүрээ амаржих газрын барилга байгууламжийг өргөтгөх, бүрэн засвар хийх төсвийг батлуулах, ЭХЭМҮТ-д бүрэн засвар хийх төсвийг 2022 оны улсын төсөвт тусгуулах үүрэг чиглэл өглөө.
  • Жуковын талбайд иргэд, аж ахуйн нэгжүүдэд олгогдсон газар эзэмших эрхийг цуцалж, нийтийн эдэлбэр газар болгож тохижуулахыг хотын дарга Д.Сумъяабазарт даалгалаа
  • Хүүхэд, залуучуудын театрыг дахин байгуулах асуудлыг яг одоо Засгийн газрын хуралдаанаар хэлэлцэж байна. Дахин байгуулахдаа СХД-ийн тавдугаар хороонд баригдаж байгаа дүүргийн соёлын ордны барилгыг Хүүхэд залуучуудын театрт шилжүүлэх асуудлыг шийднэ.
  • Хүүхэд залуучуудын хөгжлийн зориулалтаар баригдсан төр, хувийн хэвшилд байгаа барилга байгууламжийг цаашид зориулалтын дагуу ашиглах, үүнийг төр, хувийн хэвшлийн хамтын ажиллагааны хүрээнд шийдвэрлэхээр боллоо. Энэ хүрээнд Бамбарууш кафе гэх мэт хувийн хэвшлийнхний мэдэлд очсон байгууламжуудыг зориулалтын чиглэлээр нь ашиглахаар болж байна. Бамбарууш кафе хуучин зориулалтаар буюу хүүхэд, гэр бүлд зориулсан чиглэлээр есдүгээр сараас ажиллаж эхлэхээ Засгийн газарт мэдэгдсэн" гэлээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (5)

  1. Bi lav medremjtei l ajillaj bna gej harj bna. Ene zasgiin gazriig.yagaad gevel EHEMUT iin poliklinik ni zai baga bdag shu de.Zahiral ni l nyambai hun uchir dandaa tordoj bolomj bololtsoogooroo zasaj udii hurch bga

    0 0 Хариу бичих
  2. Ясль цэцэрлэгийн байшинг хуйвалдаж аваад сая доллараар зарж идсэн луйварчдаас төр буцааж авья

    0 0 Хариу бичих
  3. Ажил хийж байгаа нь сайн. Харин улс төржүүлж ажиллах тийм ч сайн зүйл биш үзэл суртал эх үрсийн баярыг ашиглаад засах яасан ч муухай юм.

    0 0 Хариу бичих
  4. Nairamdliin ajilchid uursduu zasvar xiij bga shde

    0 0 Хариу бичих
  5. WOW, yostoi zuv shiidveruud bn Manaih chiny huuhed zaluus hoich uydee mash ih anhaaral tavij irsen yum shuu de Ene zasgiin gazriin ued ene buhen ingej zohih yosooroo heregjij bgaad yostoi bayarlaj bn Niislel maany ch ungu zusee zasaad ih saihan bolj bn Bayar hurgei !!!

    1 0 Хариу бичих