Монгол Улсаас Бүгд найрамдах Литва улсад суух Элчин сайд Б.Дорж тус улсын Ерөнхийлөгч Гитанас Науседад Итгэмжлэх жуух бичгээ өчигдөр цахимаар өргөн барьжээ. Элчин сайд Б.Дорж Литва улсын Ерөнхийлөгч Гитанас Науседад Монгол Улсын Ерөнхийлөгч Х.Баттулгын мэндчилгээг уламжилж, тааламжтай хугацаандаа Монгол Улсад айлчлахыг урьсан урилгыг нь уламжилсан байна. Литвын Ерөнхийлөгч Монгол Улсад айлчлах хүсэлтэй буйгаа илэрхийлээд, Монгол Улстай харилцаа, хамтын ажиллагааг боломжтой бүх салбарт өргөжүүлэн хөгжүүлэхийн төлөө байгаагаа мэдэгджээ.