Энэтхэгийн Засгийн газраас тусламжаар олгож буй вакциныг хүлээн авлаа

Энэтхэгийн Засгийн газраас Монгол Улсад буцалтгүй тусламжаар олгож буй 150 мянган тун буюу 75 000 хүнийг дархлаажуулах вакцин ирлээ. Вакцины дээжээс албан ёсоор хүлээлгэн өгөх ёслол "Буянт Ухаа" олон улсын нисэх буудалд боллоо.

Оксфордын их сургууль АстраЗенека компанитай хамтран хөгжүүлсэн уг вакциныг Энэтхэгийн “Serum” институтад үйлдвэрлэсэн юм. Буцалтгүй тусламжаар ирж буй уг вакцин нь ДЭМБ-аас хэрэгжүүлж байгаа Ковакс хөтөлбөртэй хамааралгүй бөгөөд Энэтхэгийн Засгийн газраас оюун санааны хөрш Монголд Улсад бэлэглэж буй ажээ.

Энэтхэг Улсаас Монгол Улсад суугаа Онц бөгөөд Бүрэн эрхт Элчин сайд М.П Сингх “Энэтхэг Улс “COVID-19”-ийн эсрэг вакциныг бидний “оюун санааны хөрш”, “стратегийн түнш” Монгол Улсад өгч байгаа анхны улс болж байгаадаа баяртай байна. Энэтхэг улс нь эхний ээлжинд 6.3 сая тун вакциныг 13 найрсаг түнш оронд бэлэглэж буй бөгөөд энэ нь бидний зүрх сэтгэлийн холбоо, найрсаг харилцаа, хамтын ажиллагааны илэрхийлэл болохын зэрэгцээ “Act East” бодлогод Монгол Улсын чухал ач холбогдлыг харуулж байгаа юм” хэмээв. Мөн тэрбээр бэлэглэсэн тунгаас гадна тус улсаас вакцины нэмэлт хангамжийг арилжааны шугамаар худалдан авахад нь  Энэтхэг улс туслахад бэлэн гэдгээ илэрхийллээ.

Монгол Улсын Шадар сайд С.Амарсайхан цар тахалтай тэмцэж буй амаргүй цаг үед тусламжийн гараа сунгаж байгаа Энэтхэгийн ард түмэнд талархал илэрхийлээд энэ үйл явдал найрсаг харилцаат хоёр орны түүхэнд тодоор бичигдэн үлдэнэ гэдгийг онцлон тэмдэглэлээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Өөө хөөрхий Энэтхэгийн үнэгүй вакцин байсан юм уу энэ ноотой боллоо шүү

    0 0 Хариу бичих
  2. Ёс ёмбогор, Төр төмбөгөр гэгчээр Эрэмбээрээ УИХ-ын Гишүүд, Төрийн байгууллагын том Дарга нарт эхлэж Шахаад хамгийн сүүлд жирийн Иргэд дээ Шахсан нь Зөв байх өө,

    0 0 Хариу бичих
  3. 76 д яг таарна.

    0 0 Хариу бичих