Ковид19-ийн эсрэг вакцин хийлгэхийн өмнө болон дараа юунд анхаарах вэ
ДЭМБ-аас гаргасан Ковид19 халдварын эсрэг дархлаажуулалтын талаарх зөвлөмжийг хүргэж байна
Өдгөө 78 улсад 178 сая тун вакцин хийгдсэн бөгөөд өдөрт 6 сая хүн вакцин хийлгэж байна. Израйль улс хүн амынхаа 74 хувийг вакцинжуулсан нь хамгийн үзүүлэлт юм. Тэгвэл дархлаажуулалт эхэлснээр дэлхий дахинд халдвар 17-22 хувиар буурчээ.
Одоогоор Ковид19-ийн эсрэг 232 вакцин хөгжүүлэлт хийгдэж байгаагаас Дэлхийн Эрүүл мэндийн байгууллага Pfizer/Biontech болон Astrazeneca компанийн вакцинуудыг яаралтай хэрэглэх горимоор хүлээн зөвшөөрсөн.
Pfizer/Biontech вакцин нь -70 хэмд хадгалж тээвэрлэх, 2-8 хэмд тав хоног хүртэл хадгалах горимтой бол Astrazeneca вакцин нь гүн хөлдөөгчид хийх шаардлагагүй 2-8 хэмд хадгалдаг. Эдгээр вакциныг 18-аас дээш насныханд 21 хоногийн зайтай 0.3 мл хоёр тунг хийнэ.
Вакцин хийлгэхээс өмнө анхаарах зүйлс:
- Вакцины талаар тодорхой мэдээлэлтэй байх
- Эмчийн үзлэгт орох
- Вакцин хийлгэсний дараа 30 минут ажиглалтад байх
- Дулаан хувцаслах
- Сүүлийн нэг сарын хугацаанд ямар нэг вакцин хийлгээгүй байх
- вакцинжуулалтын цэгт очиж вакцинаа хийлгэх
- халдвар хамгааллын дэглэм сахих
Вакцин хийлгэсний дараа анхаарах зүйлс:
- Вакцин тарьсан хэсгийг хөндөхгүй, хүрэхгүй байх
- Дулаан хувцаслах
- Вакцин тариулсан хэсэгт хоёр хоног ус хүргэхгүй байх
- Вакцин хийлгэхийн өмнө болон дараа согтууруулах ундаа хэрэглэхгүй байх
- Халдвар хамгааллын дэглэм сахих буюу гараа халдваргүйжүүлэх, амны хаалт зүүх, хүн хоорондын зай барих
- Халуурах, ханиах шинж тэмдэг илэрвэл 119 дугаар луу залгах
- Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх
- Хоёр дахь тунгаа товлолт хугацаандаа хийлгэх
Вакцины хариу урвал:
- Вакцин хийлгэсний дараа хэсэг газрын болон ерөнхий бие махбодыг хамарсан хариу урвал өгч болно. Үүнд: тариулсан хэсэгт өвдөх, хавдах, улайх, вакцин хийлгэсэн газрын суганы тунгалгийн булчирхай хавдах боломжтой.
- Халуурах, ядрах, толгой өвдөх, даарах, бүх бие, үе мөч өвдөх, маш ховор тохиолдолд харшлын урвалыг ерөнхий бие махбодын хариу урвал гэдэг. Эдгээр нь 2-3 хоногт өөрөө аяндаа зүгээр болдог.
Иргэн 8 өдрийн өмнө
Манай Монгол Улсын ихэнх настангууд даралт, зүрхний өвчтэй, байнга эм уудаг. Бас ихэнх хүмүүс нь ямар нэгэн харшилтай. Дээрээс нь Эрүүл мэндээ анхаардаггүй, анхаарсан ч мөнгөгүйн улмаас эмчид үзүүлж шинжилгээ хийлгүүлж шинжилгээ тогтмол өгч биеийн байдлаа мэддэггүй улсууд их байдаг. Иймд вакцин хийхдээ их болгоомжтой хандахгүй бол болохгүй шүү. Тэгээд бакцинаас үүдсэн гаж нөлөө, цаашдын амьдралд хэрхэн нөлөөлөх талаар одоогийн байдлаар хэн ч мэдэхгүй байгаа. Тэгэхээр вакцин хийлгүүлэх, эс хийлгүүлэх нь тэр хүний эрх. Вакцин хийлгүүлээгүй гэж шахах, дарамтлах, эмнэлэг, сургуульд явуулахад хүндрэл учруулах зэрэг асуудал байж болохгүй. Одоо хүмүүс чинь юм уншдаг мэдлэгтэй болсон шүү. Зарим хүмүүс вакцин гэж юу вэ гээд заах гээд байх шиг байна.
1 0 Хариу бичихЛхагва 8 өдрийн өмнө
Баярлалаа
0 0 Хариу бичих