УИХ дахь АН-ын бүлгээс мэдээлэл хийлээ. Тус бүлгийн дарга Д.Ганбат "Манай бүлэг өнөөдрийн хуралдаанаараа Ерөнхийлөгчийн Авлигын эсрэг хуульд тавьсан хоригийг дэмжлээ. Ерөнхийлөгчийн өргөн барьсан өрх бүрт нэг сая төгрөгийн дэмжлэг үзүүлэх тухай тогтоолын төслийг дэмжих нь зүйтэй гэж үзсэн. Удахгүй УИХ-ын чуулган завсарлана. Завсарлахаасаа өмнө энэ тогтоолыг заавал батлах хэрэгтэй. Ерөнхий сайдын томилгоог бас хэлэлцлээ. Нэр дэвшигч Л.Оюун-Эрдэнийг дэмжихгүй байх шийдвэр гаргалаа. Учир нь, танхимаараа хариуцлага хүлээж байна гээд огцорсон хэрнээ өмнөх Засгийн газрынхаа Хэрэг эрхлэх газын даргыг Ерөнхий сайдаар томилох нь ёс зүйгүй үйлдэл. Мөн сайд нар нь ч ялгаагүй дараагийн Засгийн газартаа орж ажиллах боломжгүй" гэлээ.