УОК-ын дарга, Эрүүл мэндийн сайд, нийслэлийн Засаг дарга нарыг огцруулахыг шаардлаа

УИХ дахь АН-ын бүлэг Ерөнхий сайд У.Хүрэлсүхэд шаардлага хүргүүллээ. Тус намын бүлэг УОК-ын дарга Я.Содбаатар, Эрүүл мэндийн сайд Т.Мөнхсайхан, нийслэлийн Засаг дарга бөгөөд Улаанбаатар хотын захирагч Д.Сумъяабазар нарыг нэн даруй огцруулахыг шаарджээ.

АН-ын бүлэг уг шаардлагадаа "Монгол Улсын Үндсэн Хуульд ...эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго хэмээн заасаар байтал коронавирусын халдварт цар тахлын эсрэг Засгийн Газар, Улсын онцгой комиссоос өнгөрсөн нэг жилийн хугацаанд авч хэрэгжүүлж буй арга хэмжээ нь зохион байгуулалтгүй, иргэн, ард түмнээ гэсэн сэтгэлгүй, хүмүүнлэг бус байна.

УИХ дахь АН-ын бүлэг удаа дараа санал. шаардлага хүргүүлж, Засгийн газар цар тахалтай тэмцэх бүх нийтийн хөл хорионы үеэр хүний эрх, эрх чөлөөг хүндэтгэх, авч хэрэгжүүлж байгаа аливаа арга хэмжээ нь хуулийн дагуу, хүмүүнлэг, үр дүнтэй байх ёстойг сануулсаар ирсэн ч эрхэлсэн ажилдаа хайхрамжгүй, сэтгэлгүй хандаж байгаа сайд, дарга нарын хариуцлагагүй үйлдлийн улмаас эрдэнэт хүний амь нас үрэгдэж, төрөөс иргэддээ хандах хүнлэг ёс гээгдсээр байна.

Цар тахалтай тэмцэх бүх нийтийн хөл хорионы дэглэмийг хэрэгжүүлэхдээ зохих арга хэмжээ авч чадаагүйн улмаас эмнэлгийн тусламж үйлчилгээ авч чадалгүй иргэд нь улсынхаа нийслэл рүү орох босгон дээр амь үрэгдэж, эх орондоо ирэхээ хоног тоолон хүлээх зууртаа иргэн нас барж, дөнгөж төрөх орон дээрээс идэр есийн хүйтэнд тусгаарлах байр руу ачигдаж байгаа эх үр хоёрын сэтгэл эмтрэм байдал нь өнөөгийн эрх баригчид болон Засгийн Газрын ажлын бодит байдал юм. Эх орондоо ирэх иргэдээ удаан хугацаагаар хүлээлгэж, хүний нутагт өлсгөлөн зарлах хүртэл хүнд байдалд оруулжээ. Цар тахалтай тэмцэх Засгийн газрын зорилго нь иргэдийнхээ амь нас, орлого, амь амьжиргааг хамгаалах байтал иргэд нь зовж зүдэрч, амь насаа алдаж байгаад Засгийн газар, Улсын онцгой комисс хайхрамжгүй хандаж байгаа нь иргэдийнхээ эсрэг гаргаж буй ноцтой үйлдэл, эс үйлдэхүй юм.

Иймд Монгол Улсын Ерөнхий сайд та эрхэлсэн ажилдаа хариуцлагагүй, хүнлэг бус хандсан, Монгол Улсын иргэд амь нас, эрүүл мэндээрээ хохирох нөхцөлд оруулсан Шадар сайд бөгөөд Улсын онцгой комиссын дарга Я.Содбаатар, Эрүүл мэндийн сайд Т.Мөнхсайхан болон Нийслэлийн онцгой комиссын дарга бөгөөд Нийслэлийн засаг дарга Д.Сумъяабазар нарт хариуцлага тооцож, нэн даруй огцруулахыг шаардаж байна

Шаардлагыг эс биелүүлбээс цар тахлын хүнд үед иргэд, ард түмнээ хамгаалах чадамжгүй Засгийн газрыг огцруулах хүртэл улс төрийн арга хэмжээ авахаа үүгээр мэдэгдэж байна" гэжээ.


 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (7)

  1. улс төржүүлж болохгүй. харин хайхрамжгүй хариуцлагагүй ажилласан хүмүүст шат гатанд нь арга хэмжээ авах хэрэгтэй байх аа

    0 0 Хариу бичих
  2. Zasgiin gazar buren burelthunereen ogcroh heregtei. Yalanguya corono garsnas hois baisan buh ervvl mendiin saidan.

    0 0 Хариу бичих
  3. Сэг гарахаар хэрээ баярладаг шиг Ганбатын хөл нь бүр хөнгөрчихсөн явна даа

    0 1 Хариу бичих
  4. Улс төржих юмаа олж дээ. Дунд шатныхан ингэж хүнд суртал гаргаж хүмүүсийг хохироодог энэ байдал 2012-2016 онд бүүр гаарсан шүү. Яг мэргэжлийн хариуцсан албн хаагч удирдлагад л хамаатай.

    0 1 Хариу бичих
  5. Ta nar l dutaj genedee hutsaarai ta nar turiin 3n undurlug ih hurliin olonhiig burduulj baihdaa yugaa hiij baisiin ta nariin idsen uusniig darah tsuuluh gej ene zasgiin gazar ajillaj bna sayiin emegtei deer bol hariutslaga aldsan uu aldsan mash tom bj bolomgui aldaa garagsan ene turiin alband ajillaj bgaa ta nariin 2 tom namiin ah duus naiz nuhud gar huluudiig huuj yvuulaagui tsagt iim yum urgelj tohioldono tumen olnii tsuglaan eserguutseld ta nar orood irvel tegeel uls turjilt bolood utgaa aldana bolij usdee novsnuudaa

    1 0 Хариу бичих
  6. Бүхэлд нь харлуулж болохгүй.Бүхэлд нь харлуулах нь улс төрийн шинжтэй.Харин хариуцлага алдсан эмнэлгийн удирдлага хариуцлага хүлээх нь зөв

    3 3 Хариу бичих
  7. Oorsdiin gadaadad hayad avhgui baildaa uuntei adilhan.shte harutsalggui nohoduudiig ogtsoruul

    2 1 Хариу бичих