Хятадад 100 гаруй хүнд халдвар тараасан вирус тээгчийг олж тогтоолоо

БНХАУ-ын Жилинь мужид 100 гаруй хүнд халдвар тараасан хүнийг олж тогтоосон тухай The Global Times хэвлэл бичжээ. Халдвар тээгч ахмад настнуудад эрүүл мэндийн бүтээгдэхүүн сурталчилж явжээ. Хэйлунжиангаас хөрш Жилинь мужид ирсэн уг эрэгтэй өмнө нь коронавирустэй өвчтөнтэй харьцаж байсан нь тодорхой болсон байна. 

Халдвар илрэх хүртэл тэрээр галт тэргээр дөрвөн удаа, автобус метрогоор гурван удаа зорчсон байна. Ингэхдээ вирус тээгч өөрөө мэдэлгүйгээр 79 хүнд, мөн ойрын хавьлын 23 хамаатандаа  халдвар тараасан аж. Өвчлөгсдийн дундаж нас нь 63, хамгийн хөгшин нь 87-той хүн байгаа юм.

Өнгөрсөн нэг хоногт өдөр Хятадад Ковид19 халдварын 118 тохиолдол бүртгэгдсэний 45 нь Жилинь, 35 нь Хэбэй, 27 нь Хэйлунцян мужид илэрчээ.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)