Өчигдөр буюу нэгдүгээр сарын 19-ний 12:49 цагт Ханх сумын Хороо багийн “Долоон-Уул” гэдэг газар сумын төвөөс баруун урд зүгт 20 км-т, аймгийн төвөөс баруун хойд зүгт 310 км-т 3.7 магнитудын хүчтэй давтан чичирхийлэлт бүртгэгдсэн байна. Газар хөдлөлтийн чичирхийлэл бага мэдрэгдсэн бөгөөд учирсан хохиролгүй гэж ОБЕГ-аас мэдээллээ.
Хөвсгөл аймгийн Ханх сумын Тураг багийн Модон хүй-Арал гэдэг газар сумын төвөөс баруун урд зүгт 26 км-т нэгдүгээр сарын 12-ны өдрийн 05:32 цагт 6.5 магнитутын хүчтэй газар хөдлөлт болсон тухай мэдээллийг 05:36 цагт Одон орон, геологийн хүрээлэнгээс ОБЕГ-т хүргэснээс хойш хэд хэдэн удаа давтан газар хөдлөлт болжээ.
