Хөдөлмөрийн тухай хуулийн анхны хэлэлцүүлгийг үргэлжлүүлнэ

УИХ-ын даргын дэргэдэх зөвлөлөөс гаргасан хуваарийн дагуу өнөөдөр Агаарын бохирдлыг бууруулах асуудлын дэд хороо, Төсвийн байнгын хороо хуралдана. Мөн үдээс хойш чуулганы нэгдсэн хуралдаантай. Байнгын хороо болон чуулганы хуралдаанаар ямар асуудал хэлэлцэхийг дараах жагсаалтаас харна уу.

1.Агаарын бохирдлыг бууруулах асуудлын дэд хорооны хуралдаан 10.00 цагаас “Үндсэн хууль” танхимд:

• Орчны бохирдлыг бууруулах үндэсний хорооны мэдээлэл сонсох.

1.Төсвийн байнгын хорооны хуралдаан 09.00 цагаас “Жанжин Д.Сүхбаатар” танхимаас цахим хэлбэрээр хуралдана:                        

• Төсвийн байнгын хорооны 2020 оны тавдугаар тогтоолд нэмэлт, өөрчлөлт оруулах тухай /Үндэсний аудитын газрын 2021 онд гүйцэтгэх аудитын сэдэв батлах тухай/;
• Ажлын хэсэг байгуулах тухай /УИХ-ын 0020 оны 39 дүгээр тогтоолын хэрэгжилтийг хангуулах үүрэг бүхий/;
• Ажлын хэсэг байгуулах тухай /Төрийн өмчийн ерөнхий боловсролын сургууль, цэцэрлэг, дотуур байрны нүхэн жорлонг орчин үеийн стандарт, шаардлагад нийцсэн ариун цэврийн байгууламжаар солих ажлын санхүүжилтийг “Эрдэнэт” ТӨҮГ-аар нийгмийн хариуцлагын хүрээнд шийдвэрлүүлэн 2021-2022 онд багтаан хэрэгжүүлэх ажлыг зохион байгуулах/;
• Бусад.

2.Чуулганы нэгдсэн хуралдаан 14.00 цагт эхэлнэ

• Хөдөлмөрийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2018.03.26-нд өргөн  мэдүүлсэн, анхны хэлэлцүүлэг, үргэлжилнэ/.

---