Өнөөдөр ЭМЯ-ны 11.00 цагийн мэдээнээс хойш Баянгол дүүргийн 12 дугаар хороонд коронавирусийн сэжигтэй тохиолдол бүртгэгджээ. Тодруулбал, тус хорооны 19 дүгээр байрнаас COVID19-ийн 13 тохиолдол илэрчээ. Тиймээс халдвар илэрсэн иргэдийг ХӨСҮТ рүү, ойрын хавьтлуудыг тусгаарлах байр руу зөөвөрлөх ажил хийгдэж байна. Газар дээр нь цагдаа, эмнэлэг, мэргэжлийн хяналтын байгууллагын алба хаагчид ажиллаж байна. Вирусийн халдвар хаана ч байх эрсдэлтэй энэ үед халдвар хамгааллын дэглэмээ чанд баримталж, маскаа тогтмол зүүж, шаардлагагүй тохиолдолд гэрээсээ гарахгүй байхыг зөвлөж байна.
