2000-аад оны эхээр үзэгчдийг байлдан дагуулж байсан "Sex and the City" цуврал үргэлжлэх тухай мэдээллийг өнгөрсөн долоо хоногт олон улсын хэвлэлүүд дамжуулсан билээ.

Нийт 10 ангиас бүрдэх "And Just Like That..." нэртэй цувралд жүжигчин Сара Жессика Паркер, Кристин Дэвис, Синтия Никсон нар тоглох бөгөөд Саманта Жонсын дүрийг бүтээсэн Ким Кэтролл уг цувралд оролцохгүй болохоо илэрхийлсэн байна.

Гэхдээ үзэгчдийг Африк болон Ази гаралтай хоёр шинэ дүр хүлээж байгаа талаар Daily Mail сонин мэдэгдлээ.

Одоогийн байдлаар "And Just Like That..." цуврал яг хэзээ үзэгчдийн хүртээл болох нь тодорхойгүй байгаа ч зураг авалт энэ зун хийгдэж эхлэх юм.