MarsDogs үзэл баримтлал хоёр долоо хоногийн өмнө AGU Fall Meeting гэх дэлхийн томоохон виртуаль бага хурал дээр танилцуулагдсан байна. NASA ийм систем хэрэглэх боломжийг 2018 оноос хойш судалж байгаа юм.
Өнөөг хүртэл дөрөв болон зургаан дугуйтай роботуудаар Ангараг гарагийг судалж ирсэн юм.Тэр нь удирдлагын ээдрээтэй систем шаардахгүй таарч тохирох хамгийн амархан найдвартай арга байв. Гэвч дадал болсон уг систем нь хад чулуу налуу гадарга, агуйнуудаар орон судлах ажлыг хийж чадахгүй дутагдалтай. Тиймээс AGUFallMeeting бага хурал дээр MarsDogs баримтлалын хүрээнд нохойтой төстэй дөрвөн хөлт роботоор Ангарагийн агуй, хад цохиог судлах санал дэвшүүлсэн байв.
"Ангарагийн ноход" нь BostonDynamics компанийн роботуудын сайжруулагдсан хувилбарууд болох гэнэ. Ангарагийн ирээдүйн амьтад нь Au-Spot нэр авчээ.
Нохой шиг роботыг ашиглах нь Ангарагийн хүрэх аргагүй районуудыг судлахад уламжлалт роботуудаас илүү үр дүнд хүргэнэ. Дөрвөн хөлт робот уналаа гэхэд тэр даруй босон замаа үргэлжлүүлэх чадвартай. Ийм боломжийг нь Boston Dynamics компанийн роботуудаас олж харсан Америкийн цэргийнхэн нисэх буудал болон баазуудыг хамгаалахад ашиглахаар хүлээн авахад бэлэн болжээ.
