Л.Мөнхтүшиг: БНСУ-д нас барсан иргэн өнөөдрийн онгоцонд суухаар бүртгүүлээгүй байсан

БНСУ-д өнөөдөр тусгай үүргийн нислэгээр ирэхээр нэр нь багтсан байсан 26 настай хүн нас барсан гэдэг мэдээлэл цахим орчинд тархаад байгаа. Энэ талаар ГХЯ-ны Консулын газрын захирал Л.Мөнхтүшигээс тодрууллаа. Тэрээр "Гадаадад манай улсын иргэн нас барсан тухай мэдээллийг бид авсан даруйдаа ар гэрт нь мэдэгдэх, шаардлагатай туслалцаа үзүүлэх ажлыг хийдэг. Тухайн иргэний ар гэрийн хүсэлт, хувь хүний нууцыг хүндлэх үүднээс олон нийтэд энэ төрлийн мэдээллийг гаргаад байдаггүй. Олон нийтийн сүлжээгээр гараад байгаа мэдээллийн хувьд хэлэхэд, БНСУ-ын Сөүл хотын Жунран дүүргийн Цагдаагийн газраас 1986 онд төрсөн Монгол улсын иргэн эрэгтэй нас барсан тухай мэдээллийг Монгол Улсаас БНСУ-д суугаа элчин сайдын яаманд 2021 оны 1 дүгээр сарын 15-нд албан ёсоор мэдэгдсэн. Элчин сайдын яамны зүгээс уг иргэний ар гэртэй холбоотой ажиллаж байгаа" гэв.

Тухайн нас барсан иргэн нь өнөөдөр 19:00 цагт Улаанбаатарт газардах тусгай үүргийн онгоцонд нэр нь багтсан байсан талаар тодруулахад тэрээр "БНСУ-ын Сөүл хотод нас барсан иргэн нь өнөөдөр орой 19 цагт ирэхСөүл-Улаанбаатар чиглэлийн тусгай нислэгт нэр нь багтаж тус онгоцоор ирэх байсан гэх мэдээлэл олон нийтийн сүлжээ, зарим хэвлэл мэдээллийн хэрэгслээр цацагдсан ташаа мэдээлэл болохыг албан ёсоор хэлье. БНСУ-аас нутаг буцах хүсэлтэй 4843 иргэн БНСУ-д суугаа Элчин сайдын яаманд хандан өргөдлөө гаргаад байгаа болно. Нас барсан иргэний хувьд нутаг буцах хүсэлтээ өнгөрсөн оны 12 дугаар сард гаргасан байсан" гэв. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. та нар дуртайдаа өөрсдөө явчихаад битгий хүн рүү хэргээ чихээд бай улс хүмүүсээ одоо ирээрэй гэж дуудсан өөрсдөөсөө буруугаа хайж ол өөрийгөө бодоод байхаар улсаа бод

    0 1 Хариу бичих
  2. 12 сард хүсэлтээ гаргаад ирж чадахгүй байсаар байгаад тэнд ямар нэгэн байдлаар нас барсан л байна шдээ!!! Арьсаа хамгаалах гэж ядах юм

    1 0 Хариу бичих
  3. Tegeed yu gej geed bgaan. Nas barsan huniig suuh n buruu baisan geed baigaa yumuu. Arisaa hamgaalsan heden nyaltsgaruudiig yah yostoi yum boloo? Shiidel medku bol zugeer uneheer haramsaltai zuil bolloo uuchlaarai geh yostoi yum bishuu? Yamar hun chanargui humuus ve!!!!

    3 0 Хариу бичих
  4. Hudlaa medeelel taraadag hund huuliin zaalt uilchilmeer..

    0 0 Хариу бичих