Дэлхийн хүн амын бараг тал нь буюу 43% нь угтаж буй оныг өөдрөгөөр төсөөлж байна. Gallup International бие даасан агентлагийн 41 оронд явуулсан “Аз жаргалын индекс” судалгаа ийм үр дүн харууллаа.

Санал асуулгад оролцогчдын 26% нь энэ онд онцын өөрчлөлт гарахгүй гэсэн бол 24% нь илүү дордоно,  7% нь мэдэхгүй гэж хариулжээ.

Дэлхийн аз жаргалын индекс өнгөрсөн онд 19 үзүүлэлтээр доошлон сүүлийн гурван жилийн хамгийн доод хэмжээнд хүрчээ. Судалгаар хамгийн аз жаргалтай хүмүүс Нигери

(69 %), Индонези (66%), Азербайжанд (65 %) амьдарцгааж байна.

Аз жаргалын индексээр тэргүүлэгчдийн тоонд АНУ, Финлянд, Киргиз, Энэтхэг бас багтжээ. Гэхдээ дэлхийн нийтлэг дундаж түвшинд Австри, Герман, Мексик, Умард Македони улсууд ойр байна.

Шинэ оныг өөдрөг бусаар төсөөлж буй үндэстний хувьд Итали (–43%),  Гонконг (–34%) эхэнд бичигдэж Болгар (–29 %), Польш (–32 %), Чех (–19) удаалж байна.