Францчууд хэвлэлийн эрх чөлөөний эсрэг хуулийг эсэргүүцэж жагслаа

Франц улс цагдаагийн аливаа үйлдлийг гэрэл зураг болон видео бичлэгт буулгахыг эрүүгийн гэмт хэрэгт тооцох хууль батлахаар завдаж байна. Энэхүү хуулийг эсэргүүцсэн иргэдийн жагсаал өчигдөр нийслэл Парис болон бусад хотуудад болж, зарим газар эмх замбараагүй байдал үүсжээ. Үүнээс Парист болсон жагсаал илүү өргөн хүрээнд болж, иргэд цагдаа нар руу чулуу, шил шидэн эмх замбараагүй байдалд хүрснээс цагдаа нар нулимс асгаруулагч хий ашиглаж жагсагчдыг номхотгосон байна. Мөн танхай балмад авирласан этгээдүүдийг баривчилжээ.

Жагсагчид шинээр батлах хууль нь хэвлэлийн эрх чөлөөг хязгаарлаж байна хэмээн ийнхүү бухимдсан юм байна. Өөрөөр хэлбэл, цагдаагийн харгислалыг хэвлэл мэдээллээр нэвтрүүлэх боломжгүй болж байгаа тул ийнхүү бухимджээ. 

Эсэргүүцлийн жагсаал Парисаас гадна Бордо, Лилле, Монпелье, Нант болон бусад хотуудад зэрэг болжээ.

  

---