ВИДЕО: Майк Тайсон Рой Жонс нарын тулаан тэнцээгээр дууслаа

Мэргэжлийн боксын супер од болох Майк Тайсан Рой Жонс нарын тулаан саяхан дуусч, шүүгчид домогт боксчдыг тэнцүүлжээ. Тулааны дараа Рой Жонс үзүүлсэн тулаандаа сэтгэл хангалуун бус байгаагаа мэдэгдсэн бол Майк Тайсон дахиж тулалдах хүсэлтэй байгаагаа илэрхийлсэн байна.

Тэдний тулааны талаар бид өмнө нь мэдээлж байсан. Тулааны дүрэм болон бусад мэдээллээс хүргэж байна.

-Хугацаа: Хоёр минутаар найман үе

-Бээлий: Томсгосон, 12 унцийн

-Хамгаалалтын дуулга: Байхгүй

-Нокаут буюу хүнд цохилтоор ялах: Зөвшөөрөхгүй

-Аль нэг нь ямар нэгэн байдлаар цус алдвал тулааныг шууд зогсооно

-Албан ёсны шүүлт байхгүй, ялагчийг тодруулахгүй...

-...Гэхдээ тулааныг дэлхийн аварга асан боксчид болох Чэд Доусон, Винни Пациенза, Кристи Мартин нар шүүнэ. Ялагчийг тэд тодруулна гэсэн үг.

-Ялагчид Black Lives Matter  гэсэн бичигтэй “Frontline Battle Belt” бүс зүүж өгнө. Тулаан тэнцсэн тул бүс эзэнгүй үлдсэн.

— PPV-ийн орлогыг оруулахгүйгээр Майк Тайсон 10, Рой Жонс гурван сая ам.долларын урамшуулал авна.   

—Шууд дамжуулалтын тайлбарлагчаар Шугар Рэй Леонард, Исраэль Адесанья, Эл Бернштейн нар ажилласан

—Рингний зарлагчаар Майкл Баффер ажиллав

— Майк, Рой хоёроос допингийн шинжилгээ авах ч марихуаныг тооцохгүй. Шинжилгээний хариу сөрөг гарсан.

—Оргил тулааны өмнө Wiz Khalifa, Da Baby, Lil Wayne нарын зэрэг хөгжмийн оддын тоглолт болсон.

-Мөн ҮСБХ-ны шилдэг тохогчдын нэг асан Нэйт Робинсон блогер Жейк Полтой тулалдаж хоёрдугаар үед хүнд цохилтоор ялагдав.  

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)