Канадын Ерөнхий сайд Жастин Трюдо хүн амын дунд явуулах цар тахлын дархлаажуулалтын ажлыг генерал Дени Фортинд даалгажээ. "Дэни Фортин нь Афганистан, Боснид үүрэг гүйцэтгэсэн Канадын цэргийн багийг ахалж байсан туршлагатай удирдагч тул дээрх даалгаврыг хариуцуулсан" гэж Ж.Трюдо хэлжээ.

“Энэ бол манай улсын түүхэн дэх хамгийн өргөн хүрээтэй дархлаажуулах аян байх болно. Гэхдээ энэ ажлыг хурдан шуурхай зохион байгуулахын тулд чадварлаг удирдлага хэрэгтэй. Бүх зүйл төлөвлөснөөр болбол ирэх есдүгээр сар гэхэд иргэдийнхээ дийлэнхийг дархаажуулалтад хамруулж чадна гэж найдаж байна” гэж тэрээр онцлон тэмдэглэсэн байна.