Нийслэлээс орон нутаг руу буцах хүсэлтээ гаргасан 85 мянган иргэнийг шинжилгээ авсны үндсэн дээр буцаах шийдвэрийг Улсын онцгой комиссоос гаргасан билээ. Иргэдийн бөөгнөл үүсгэхгүйн тулд иргэдийг 119.mn цахим хуудсаар бүртгэл явуулж, цагаар хуваарилсан. Гэвч өнөөдөр шинжилгээ авч байгаа цэгүүд дээр иргэдийн бөөгнөрөл үүсч байгаа талаар бид өмнө нь мэдээлсэн.

Улсын онцгой комиссын шуурхай штабын дарга Б.Ууганбаяр энэ асуудлыг газар дээрээс нь сурвалжилсан “Eagle news” телевизийн шуурхай багт дөнгөж мэдээлэл өглөө. Тэрээр “Иргэдийг бөөгнөрүүлэхгүйн үүднээс урьдчилан зохион байгуулалт хийсэн ч техникийн шалтгаанаас болоод ирсэн дарааллаар нь оруулахаас өөр аргагүй нөхцөл байдал үүслээ. Ирсэн хүмүүсийг харахад өнөөдөртөө багтаад шинжилгээндээ орж амжихаар байна. Дотор орж ажилтай танилцахад нэг иргэнээс гурван минутад багтан шинжилгээ авч байна. Бид өглөөнөөс хойш бүх цэгүүдээрээ тойрч ажил байдалтай нь танилцаад явж байна” гэв.