Марадонагийн шарилтай зургаа авахуулсан этгээд уучлал гуйжээ

Хөлбөмбөгч Диего Марадонагийн шарилтай сельфи зураг авахуулсан оршуулгын товчооны ажилтан олон нийтээс уучлалт гуйжээ. Хөлбөмбөгч агсны шүтэн бишрэгчид түүнийг “Ална” хэмээн заналхийлсний дараа тэрээр ийм алхам хийсэн байна. Энэ талаар nypost.com мэдээллээ.

Түүнийг Клаудио Фернандес гэдэг бөгөөд ёс бус зураг нь олон нийтэд мэдээгдсэний дараа ажлаасаа халагдсан байна. Тэрээр өөрийгөө хөлбөмбөгчийн үхэлд бусдын адил харамссан гэж байгаа ч зураг авахуулахдаа үзүүлсэн янз байдал нь зохисгүй байсан тул хүмүүсийн дургуйцлийг ихээр төрүүлсэн юм.  К.Фернандес нэг гараа талийгаачийн толгой дээр тавьж, нөгөө гарынхаа эрхий хурууг гозойлгосон байсан юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)