Сарнаас дээж авчрах түүхэн даалгавар гүйцэтгэх зорилготой БНХАУ-ын Chang'e 5 хөлөг сарны тойрог замд оржээ.

18200 фунт буюу 8200 кг жинтэй уг хөлгийг энэ сарын 23-ны өдөр Хайнань арлын Вэнчань сансрын буудлаас хөөргөсөн юм. Хөлөг хөөрснөөсөө хойш 112 цагийн дараа сарны тойрог замд орж, сарнаас 249 миль зайтай байх үедээ үндсэн хөдөлгүүрээ асаасан байна. Сарнаас дээж авах зориулалттай аппарат удахгүй хөлгөөс салж сарны Монс Рюмкер орчимд газардах аж. Монс Рюмкер бол асар өндөр галт уулын тэгш орой бөгөөд дээж авахад тохиромжтой газар аж.

БНХАУ сүүлийн 44 жилд сарнаас дээж авах оролдлого хийсэн анхны улс болж байна. Хамгийн сүүлд ЗХУ 1976 онд "Луна" хөлгөөр ийм оролдлого хийж, 170 орчим грамм дээж авчирч байжээ.