МҮОХ-ноос “Олимпын давлагаа” челленжийг эхлүүллээ

Коронавирусийн цар тахал гарч улс даяар хөл хорио тогтоогоод байгаа энэ үед олимпын гэр бүлийн эрхэм гишүүд, спорт сонирхогчид, монголынхоо нийт ард түмнийг гэр бүлээрээ, найз нөхдөөрөө, ажлын хамт олноороо #ОЛИМПИЙН_ДАВАЛГАА_CHALLENGE-д нэгдэж, идэвхтэй дасгал, хөдөлгөөн хийн дархлаагаа дэмжихийг МҮОХ-ноос уриаллаа. 

Та бүхэн МҮОХ-ноос санаачлан явуулж буй бидний уриалгыг дэмжиж, энэхүү челленжид нэгдэж байгаа бол дасгал хөдөлгөөн хийж буй бичлэгээ МҮОХ-ны пейж хуудас руу илгээх юм байна. Тэд бичлэгийг хүлээн аван хэний челленж хамгийн олон хүн урьсан, хэн нь хамгийн олон найз нөхдөө уриалсан, хэний челленж хамгийн олон хүнд хүрсэн, хэн нь хамгийн олон өвөрмөц дасгал хийсэн зэргээр нь ялагчдыг шалгаруулах нь ээ. Ялагчийг хамгийн олон like, share хийсэн, олон хүнд хүрснээр нь шалгаруулах бөгөөд МҮОХ-ноос бэлдсэн шагналыг МҮОХ-ны Ерөнхийлөгч, олимпын аварга Н.Түвшинбаяр, Ерөнхий нарийн бичгийн дарга Э.Бадар-Ууган нар гардуулах юм байна. 

Ялагчийг МҮОХ-ноос томилогдсон комисс олон нийтэд ил тодоор зарлана гэлээ. Энэ онцгой цаг үед та бүхэн биеийн тамир, спортоор идэвхтэй хичээллэж, эрүүл амьдралын хэв маягийг хайртай гэр бүлдээ хэвшүүлээрэй!

Та бүхэн гараа сайтар угааж, амны хаалтаа зүүгээрэй. Шаардлагагүй бол гэрээсээ гарахгүй байж, хайртай хүмүүсээ цар тахлаас хамгаална уу!!! хэмээн МҮОХ-оос уриаллаа. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Юун олимп өлсөж үхэх гэж байхад

    0 0 Хариу бичих