Монгол Улсад коронавирусийн дотоодын халдвар бүртгэгдсэнээс хойш эхний 14 хоног өнгөрч байгаа бөгөөд цаашид халдварыг улсын хэмжээнд тараахгүйн тулд одоо авч буй арга хэмжээг сулруулахгүй байх нь зүйтэй гэдгийг ХӨСҮТ-ийн Тархалт, судалгааны албаны дарга А.Амбасэлмаа хэллээ. "Эмч, эмнэлгийн ажилтан өвдөх эрсдэл их байна. Халдварын нөхцөл байдал амаргүй байна. Нууц үеийн хугацаа 14 хоног байна. Анх халдвар бүртгэгдснээс хойш нэг үеийн нууц хугацаа дуусаж байна. Хяналтын 14 хоногийн хугацаанд хөл хориогоо сулруулахгүй байхыг хэлж байна. Мэргэжлийнхээ дагуу 14 хоног сунгах саналаа өгсөн. Өнөөдөр эсдлийн үнэлгээг дахин хийнэ" гэв.

Тэрээр хөл хорио сунгах саналыг ЭМЯ-наас гаргасан. Харин сунгах эсэх асуудлыг УОК шийддэг гэв.