Э.Эрдэнэбаатар: Нэг автобусанд 12 иргэн зорчих зохицуулалт хийж байна
Нийслэлийн онцгой комиссын Шуурхай штабаас 24 цагийн нөхцөл байдал, хэрэгжүүлсэн арга хэмжээнүүдийн талаар мэдээлэл өглөө.
НОК-ын Шуурхай штабын гишүүн Э.Эрдэнэбаатар "УОК-оос өгсөн чиглэлийн дагуу өнөөдрөөс нийтийн тээврийн үйлчилгээг хэвийн горимд шилжүүлсэн. Ингэхдээ нэг автобусанд 12 иргэнийг суулгах зохицуулалт хийж байна. Хэдий нийтийн тээвэр цагийн хуваарийн дагуу үйлчилж байгаа ч хөл хорионы дэглэм хэвээр байгаа юм. Өөрөөр хэлбэл, зөвхөн 13 салбарын алба хаагчид, эмнэлгийн тусламж, үйлчилгээ авах шаардлагатай иргэд л хөдөлгөөнд оролцох боломжтой. Түгээлтийн цагийн хуваарьт мөн өөрчлөлт оруулсан. Түгээлтийн жолооч, ажилтнуудыг халдвар хамгааллын дэглэмийг сайтар сахих зөвлөмжүүдийг хүргэж байгаа" гэв.
Түүнчлэн дараах мэдээллийг өглөө:
- Тандалтын цэгүүдийг нэмнэ.
- Автобусны буудал бүрд нэг ажилтан ажиллаж, иргэдэд хяналт тавина.
- Энэ сарын 12-ноос хойш нийслэлд 450 мянган тонн мах нийлүүллээ.
- 800 орчим байгууллагад ариутгал, халдваргүйтгэл хийлээ.
- Иргэдээс ирүүлсэн өргөдөл гомдлын дийлэнх нь хотоос гарах болох хот руу ирэх хүсэлтэй иргэдийнх байна.
ДАГИЙМАА 7 өдрийн өмнө
ХӨДӨӨ ОРОН НУТАГТ АЖИЛЛААД ГЭРТЭЭ БУЦАХ ИРГЭДИЙГ ЯАЖ .ХЭЗЭЭ ШИЙДЭХ БЭ?
0 0 Хариу бичих