Эрүүл мэндийн яамны ээлжит хэвлэлийн хурлын үеэр ХӨСҮТ-ийн Тандалт, судалгааны албаны дарга А.Амбасэлмаа дотоодод бүртгэгдээд байгаа халдварын голомтууд болон халдвар тархах эрчмийн талаар мэдээлэл өглөө.
Тэрбээр "Нийт батлагдсан тохиолдлуудын 52 хувь нь шинж тэмдэггүй хэлбэрээр явж байна. Энэ нь халдварын голомтод очсон болон халдвартай хүмүүстэй хавьтал болсон хүмүүс өөрийгөө халдвар авсныг мэдэхгүй байх боломжтой гэсэн үг. Тиймээс үзвэр үзсэн, караокед орсон хүмүүс шинжилгээ өгөх хэрэгтэй байна.
Хэрэв хуурай ханиалгах, хамар битүүрэх, хоолой өвдөх, толгой өвдөх, үнэр амт мэдрэхгүй байх шинж тэмдэг илэрвэл ханиад томуутай андуурахгүй байх хэрэгтэйг ард иргэддээ зөвлөж байна. Мөн халуурах, хамар хоолой хуурайших, суулгах, хоолонд дургүй болох, нүд улайж үрэвсэх тохиолдол байна. Эдгээр шинж тэмдэг илэрвэл шинжилгээ өгөөрэй. Монгол Улсад бүртгэгдсэн халдваруудын нууц үе дунджаар тав хоног байна. Эрчимтэй халдвар тараах үе нь 2-4 хоног үргэлжилж байгаа.
