Коронавируст халдварын нөхцөл байдлаас шалтгаалан ЭМЯ болон холбогдох эх сурвалжаас өдөрт хоёр удаа мэдээлэл хийж байгаа. ХӨСҮТ-ийн Тандалт, судалгааны албаны дарга А.Амбасэлмаа "11:00 цагаас хойш шинэчлэгдсэн мэдээгээр дөрвөн тохиолдол шинээр бүртгэгдсэн. Энэ дөрвөн тохиолдол Дорноговь аймгийн Замын-Үүд сумаас илэрлээ. Ингээд Дорноговь аймагт нийт батлагдсан тохиолдол 16 болж үүнээс 13 нь Замын-Үүд сумаас илэрлээ.
Улсын хэмжээнд голомтлон гараад байгаа хэсэгт нийтдээ 146 тохиолдол бүртгэгдсэн. Нийт өссөн дүнгээр хэлбэл,
Монгол Улсад коронавирусийн батлагдсан нийт тохиолдол 582, эдгэрсэн 337 байна. ХӨСҮТ-д 238 хүн эмчлүүлж байгаагаас нь хүнд хоёр, хүндэвтэр 42, хөнгөн 194 хүн байна" гэв.
