Коронавирусийн нөхцөл байдлын талаар ЭМЯ, ХӨСҮТ-өөс танилцууллаа.
ЭМЯ-ны хэлтсийн дарга Л.Нарангэрэл "Дэлхийн 218 улс оронд коронавирус бүртгэгдэж, дэлхий даяар 56.6 сая хүн халдвар авч, 24 цагт 620 мянган хүн энэ өвчний халдвар авсан. Манай орны хувьд коронавирусийн 578 тохиолдол бүртгэгдсэн. Өвчлөл Улаанбаатар хот болон таван аймагт багц хэлбэрээр гарч байна" гэв.
ХӨСҮТ-ийн Тандалт, судалгааны албаны дарга А.Амбасэлмаа "Арваннэндүгээр сарын 20-ны 17:00 цагаас хойш нийт 21 тохиолдол бүртгэгдсэн. Тодруулбал, Улаанбаатарт тав, Сэлэнгэд тав, Дорноговьд зургаа, Орхон аймагт дөрвөн тохиолдол шинээр бүртгэгдсэн. Арваннэгдүгээр сарын 20-нд нийтдээ 3071 хүнд шинжилгээ хийсэн.
Улсын хэмжээнд голомтлон гараад байгаа хэсэгт нийтдээ 142 тохиолдол бүртгэгдсэн. Нийт дүнгээр хэлбэл,
Монгол Улсад коронавирусийн батлагдсан нийт тохиолдол 578, эдгэрсэн 337 байна. ХӨСҮТ-д 234 хүн эмчлүүлж байгаагаас хүнд хоёр, хүндэвтэр 42, хөнгөн 190 хүн байна. Өчигдөр батлагдсан хоёр тохиолдол сургуулийн сурагч, оюутан байна. Бид хөл хориог эрт хэрэгжүүлснээр тархалтаа 3-4 дахин бууруулсан. Тиймээс иргэдэд хөл хорионы дэглэмийг хэрэгжүүлж ажиллахын зөвлөж байна" гэв.
