Бүх нийтийн бэлэн байдал зарласантай холбоотойгоор улс даяар хөл хорио тогтоосон. Харин нийслэл хотын хэмжээнд хүнсний өргөн хэрэглээний бараа бүтээгдэхүүний 35-120 хоногийн нөөцтэй байгаа тухай нийслэлийн Онцгой комиссоос хоёр хоногийн өмнө мэдэгдсэн. УОК-оос хүнсний хангамжийн нөөц хангалттай байгаа бөгөөд үүссэн нөхцөл байдлын улмаас шөнөөр түгээлт хийлгэх шийдвэрийг гаргаад байгаа юм. Харин иргэд талх болон шингэн сүүний олдоц тааруу байгааг цахим хуудсаараа дамжуулан бичиж байна.