Их Британийн хатан хаан II Элизабет болон түүний нөхөр Эдибургийн гүн Филипп нарын хуримын 73 жилийн ойн баярт зориулсан шинэ зургийг Букингэмийн ордноос нийтэлжээ.
Виндзорын ордонд авсан уг зурагт тэднийг Кэмбрижийн гүн Уиллиам, гүнгийн хатан Кэтрин нарын хүүхдүүд болох ханхүү Жорж, Луи, гүнж Шарлотта нарын хийсэн мэндчилгээг үзэж буй агшинг буулгажээ.
Мэндчилгээний хавтсыг 73 тоогоор чимэглэсэн ба ширээн дээр тэдэнд зориулан хийсэн бусад мэндчилгээнүүд байгаа гэнэ.
Тэд коронавирусийн цар тахлын улмаас одоогоор Виндзорын ордонд хөл хорионд байгаа юм.
Өдгөө 94 настай хатан хаан II Элизабет 21 настай байхдаа 1947 оны арваннэгдүгээр сарын 20-ны өдөр 26 настай дэслэгч Филип Маунтбеттентэй гэрлэжээ.
