“Ардын үг” дорноговьчуудын индэр болсон нь

“Ардын үг” иргэдийн зөвлөлдөх аян наран ургах зүгээс эхлэв

“Монголын медиа корпораци”-аас  “Ардын үг” иргэдийн зөвлөлдөх  аяныг санаачлан 21 аймагт өрнүүлэн иргэдийн зөвлөлдөх уулзалтуудыг цувралаар зохион байгуулж эхэллээ. Говийн бүсээс Дорноговь аймаг сонгогдож 14 хоногийн хугацаанд амжилттай хэрэгжлээ. Уг аяныг өрнүүлснээр тухайн орон нутгийн ард иргэдийн санаа, бодлыг төрийн бодлогод тусгах байнгын механизмыг бүрдүүлэх ач холбогдолтой юм.

Дорноговьчууд 14 хоног үгээ хэллээ

“Ардын үг” зөвлөлдөх аяныг хэрэгжүүлэх ажлын хэсгийнхэн дорноговьчуудын үгийг 14 хоногийн хугацаанд сонслоо. Иргэд ажлын хэсгийнхний оффист 9:00 цагаас эхлэн ирж  өөртөө болон орон нутагт тулгарч буй асуудлаа уламжилсан юм. Мөн дорноговьчуудын амьдралыг илүү бодитоор харахын тулд ажлын хэсгийнхэн тэдний ажиллаж буй газар, амьдарч буй гэрт нь зочлон иргэдийн санаа бодлыг сонслоо. Ингэж Монголын медиа корпорацийн бүрэлдэхүүн дэх хэвлэл мэдээллийн байгууллагууд 14 хоногийн турш дорноговийнхны эерэг болон сөрөг мэдээллээр амьсгалсан юм.

Зөвлөлдөх уулзалт дорноговьчуудын индэр болох нь

Дорноговь аймагт иргэдийн зөвлөлдөх уулзалт дөрөвдүгээр сарын 2-нд буюу өнгөрөгч бямба гарагт Сайншанд сумын Саранхөхөө театрт болж 300 гаруй иргэн оролцлоо. Тус аймгаас сонгогдсон болон томилогдсон албан тушаалтнуудыг эл уулзалтад хүрэлцэн ирж тайлангаа тавихыг урьсан боловч УИХ-ын Ж.Батсуурь гадаадад байсан тул ирээгүй юм. Харин тус аймгийн Засаг дарга П.Ганхуяг орон нутагт хийж гүйцэтгэсэн ажлын тайлангаа тавьсанҮүний дараа иргэд нутгийн удирдлагуудаасаа хүссэн асуултдаа хариулт авахаар дугаарлан зогссон бөгөөд асуулт асуусан иргэдийг бусад нь дэмжиж, алга ташиж байлаа. Үүнээс үзэхэд “Ардын үг” иргэдийн зөвлөлдөх уулзалт дорноговьчуудын индэр болж чаджээ. 

Иргэд удирдлагуудаасаа асуусан асуултаас жишээ болговол Сайншанд сумын иргэн У.Эрдэнэбаяр: Засаг даргын хийж гүйцэтгэсэн ажлын тайланд Дорноговь аймгийн ард иргэдийн амжиргааны түвшин дээшилсэн гэж байсан. Чухам хэрхэн дээшилсэн бэ. Ажилгүйдэл хэрхэн буурсан бэ? Эл асуултад аймгийн Нийгмийн халамж үйлчилгээний хэлтэсийн дарга Н.Мөнхдаваа ийн хариуллаа.

Ажилгуйдэл, ядуурал хичнээн хувиар буурсан тухай иргэний асуултад ингэж хариуллаа

Posted by Ардын Үг on Friday, April 1, 2016

Дорноговийн ард иргэд асуудлаа өөрсдөө ярилцлаа

Зөвлөлдөх уулзалтын зохион байгуулалтын дагуу тус орон нутгийн иргэд асуудлаа өөрсдөө хэлэлцэх жижиг бүлгүүдийн уулзалтыг хийлээ. Нийт 20 бүлэг бүхий жижиг уулзалтуудыг зохион байгуулснаар иргэд асуудлаа өөрсдөө хэлэлцсэн юм. Ингээд орон нутгийн удирдлагуудын хийсэн ажилд анализ дүгнэлт хийж, үнэлгээ өгсөн юм.

Хяналтын хороо аяны үйл явцыг тэнцвэржүүлэв

“Ардын үг” иргэдийн зөвлөлдөх аяныг хэрэгжүүлэх үйл явцад хяналт хийж тэнцвэртэй байдлыг хангуулах үүднээс  хяналтын хороо байгуулан ажиллалаа. Ингэхдээ иргэдийн төлөөллийг өөрсдийн хүсэлтээр нь, зохион байгуулагчдын төлөөлөл, тус орон нутгийн удирдлагуудын төлөөллөөс тус бүр нэг нэг хүнийг томилж “Ардын үг” зөвлөлдөх аяны тэнцвэртэй байдлыг хянуулсан юм. Ийн хяналтын хорооныхон эл аяны талаар өөр өөрийн өнцгөөр үзэл бодлоо илэрхийллээ.

Иргэд орон нутгийнхаа удирдлагуудад дүн тавина

Дэлхий дахинд зөвлөлдөх ардчилал буюу түүнийг хэрэгжүүлэх зөвлөлдөх санал асуулгын тогтолцоо 20 гаруй жилийн түүхтэй. Үүний дагуу иргэдийн зөвлөлдөх уулзалталтаар Дорноговь аймгийн иргэдээс санал асуулга авсан юм. Санал асуулгыг судалгааны "Мек" агентлаг гүйцэтгэсэн бөгөөд дорноговьчууд удирдлагууддаа ямар үнэлгээ өгснийг бид тун удахгүй мэдээллэнэ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (12)

  1. Та нар намын харъяалалд орж иргэдэд мөнгө тарааж утгагүй үр дүнгүй нэвтрүүлэг аятай юм хийж байхаар наад зарцуулаад байгаа хэдэн сая төгрөгөө сайн үйлсийн аянд хандивлаач тэгвэл арай дээр бишүүүүүүүү эргүү мэдрэлүүд минь..... энд ирээд л архидаж архидаж шоудаж шоудаж байгаад явсан сурагтай байсан кккк

    0 0 Хариу бичих
  2. delgersaihaniihaa esreg yum hiichij bgam bishuuuuuu kkkkk tsag hugatsaa haruulah bailgui deee Ard tumniig bas bitgii ingej mal met uzeldeee ter mungu avsan ta neriin ter malnuud chini mungu ugch bna leee mungiig ni avah gej l suulaa geed shoolson aytai bna lee shuuu deeeee kkkk uruvdultei ch amitad ymaadaaa

    0 0 Хариу бичих
  3. АРДЫН ҮГ БИШ АРДЫН НАМЫН ЯВУУЛГА БОЛЖЭЭ ДЭЭ. БИ НАМ БУС ЭНГИЙН НЭГЭН ИРГЭН. ГЭХДЭЭ ЭНЭ АРАЙ БИШЭЭ. ЭНЭ АРДЫН ҮГ ГЭЭД БАЙГАА ЗҮЙЛД АЛЬ НЭГ НАМЫН НӨЛӨӨ ОРСОН БОЛ ИРГЭН ХҮНИЙХЭЭ ХУВЬД ХАРАМСАЖ БАЙНА. ХЭТЭРХИЙ НЭГ ТАЛ РУУ ТУЙЛШИРСАН АСУУДЛУУД ДЭВШҮҮЛЖ БАЙСАН. МАНАЙ НУТАГТ ӨӨРЧЛӨГДӨЖ ШИНЭЧЛЭГДСЭН ЗҮЙЛ МАШ ИХ БАЙГАА. ХАРАМСАЛТАЙ Л БАЙНА. БАС МӨНГӨ ТАРААСАН ГЭЭД БАЙГАА ШҮҮ ДЭЭ.... ТЭРИЙГЭЭ БАС ЭВТЭЙХЭН ТАЙЛБАРЛААД БАЙГААМАА...... EAGLE TV НАМЫН ХАРЪЯАЛАЛД ОРЧИЖ БАЙГАА БОЛ ЭНЭ НИЙГМИЙН ХЭВЛЭЛ МЭДЭЭЛЭЛ СЭТГҮҮЛ ЗҮЙ ХЭЦҮҮДЭЖ Л БАЙГААМ БАЙНА ДАА ......

    0 0 Хариу бичих
  4. Ийгл телевиз - Худалдагдсан телевиз юм аа тэ. Тэнцвэртэй мэдээлэл, тэнцвэртэй сэтгүүл зүй гэж хаана байна? Ичихгүй худлаа яриад сууж байдаг хүмүүс үү үгүй юу? Худалдагдсан сэтгүүл хэзээ ч хол явахгүй гэдгийг ард түмэн та нарт жинхэнэ харуулаад өгөх байлгүй дээ.

    0 0 Хариу бичих
  5. Ардын намын жүжиг хэзээ болих вэ? Ийм мэдээжийн илт хууль зөрчиж байгаа зүйлийг хууль сахиулагчид яагаад хориглохгүй байгаам? Арды нам гэж ч гэж ард түмний нэрийг барьж хуурч сурсан хүн юмдаа Гэхдээ ахдаа Ж.Батсууриа муулаад, Дэлгэрсайханыг магтаад байгаа нь илт байгаа нь Дэлгэрсайханы явуулга гэдэг нь харгадаж байна. Иргэд ингэх тусам та нарыг сонгох уу? үгүй л байх даа.

    0 0 Хариу бичих
  6. ХИЙЖ БҮТЭЭСЭН ЗҮЙЛ МУУ БАЙНА. УДАХГҮЙ АРД ТҮМНИЙ ТАВЬСАН ДҮН ГАРАХЫГ ХҮЛЭЭЖ СУУНА

    0 0 Хариу бичих
  7. Та бүхэнд ажлын амжлт хүсье. Ардын үг үнэхээр хүрэх байхаа

    0 0 Хариу бичих
  8. Зөвхөн муу талыг нь түүж гаргаж байгаа нь захиалгат юм шиг харагдуулаад байна. Дутагдалтай талых нь нэг гол шалтгаан нь монголчууд хэт бэлэнчмлдэг, ажил голдог, залхуу, хүнтэй хамтарч баг болж ажиллж чаддагүй, завтай, хүн муулж санаа нь амардаг гэх мэт хэд хэдэн хүчин зүйлүүд байгааг бодох хэрэгтэй болуу? Бусад аймгууд ч мундаг бүтээн байгуулалт хийгээд байгаа газар ээдээ, олдохгүй л болуу. МАН хийсэн лайны нөлөө үлдсэн байгааг тооцоолох хэрэгтэй.

    0 0 Хариу бичих
    • Өөдөлсөн юм хомс. Хийе бүтээе гэвч танилаар дамжуулж ажил явдаг болчихсон.

      0 0
    • Өөдөлсөн юм хомс. Хийе бүтээе гэвч танилаар дамжуулж ажил явдаг болчихсон.

      0 0
    • Өөдөлсөн юм хомс. Хийе бүтээе гэвч танилаар дамжуулж ажил явдаг болчихсон.

      0 0
    • Шудрага үгэнд дургүй хүнд муу тал мэт харагдаж байгаа байх л даа

      0 0

ЭНЭ ТУХАЙ