Мадонна намтарчилсан киноныхоо найруулагчаар ажиллана
Америкийн дуучин Мадонна өөрийн бодит амьдралаас сэдэвлэсэн уран сайхны киноны хамтран зохиогч, найруулагчар ажиллана. Энэ тухай түүний албан ёсны цахим хуудсаар мэдээлжээ.
Зураг авалтыг Universal Pictures студи хийхээр төлөвлөж байгаа ч киноны нэр болон гарах хугацаа нь хараахан тодорхой болоогүй байна. Мадонна уг киноны зохиол дээр Диабло Коди хэмээх нууц нэрээр алдаршсан Америкийн зохиолч Брук Бусей-Мориотой хамтран ажиллах бодолтой байгаа аж.
Брук Бусей-Мориогийн хувьд 2008 онд Жейсон Рейтманы найруулсан "Жуно" киноны зохиолоор Оскарын шагнал хүртэж байсан юм.
Энэ ертөнцөд өөрийн замаар алхахыг хичээдэг хүний амьдрал түүний хувьд ямар аялал болсныг ирээдүйн кинондоо өгүүлэхийг хүсч байгаагаа Мадонна ярьжээ.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.