Японд 100-гаас дээш настай 80 мянган хүн амьдарч байна

Японд 100-аас дээш настай иргэдийн тоо 80 мянга давлаа гэж тус улсын Эрүүл мэнд, хөдөлмөр, халамжийн яам мэдээлэв. Өнөөдөр Японд 100-аас дээш настай 80 450 хүн амьдарч байна. Зөвхөн өнгөрсөн онд тэдний тоо 9176 хүнээр нэмэгджээ.

Зуун настнуудын 88 хувь нь эмэгтэйчүүд (70,975 хүн). Хамгийн өндөр настай эмэгтэй 117 настай бөгөөд Фукуока мужид амьдардаг бол хамгийн өндөр 110 настай эрэгтэй Нара мужид аж төрж байна. 

Өнгөрсөн жил Японд 100-аас дээш насны оршин суугчдын тоо анх удаа 70,000-ын босгыг давсан. Үүний зэрэгцээ шинжээчид одоогийн хүн ам зүйн асуудал хэвээр байвал 2053 он гэхэд Японы хүн ам одоогийн 127 саяас 100 сая, 2065 он гэхэд 88 сая хүн болж буурна гэж таамаглаж байна. Үүнээс гадна оршин суугчдын 38 хувь нь 60-аас дээш насныхан болох юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (1)

  1. Saihan uym daa.

    0 0 Хариу бичих