Их, дээд сургуулиуд энэ сарын 21-нээс танхимаар хичээллэнэ

Засгийн газар өнөөдөр ээлжит бусаар хуралдав. Хуралдаанаар гаргасан шийдвэрийн талаар танилцуулж байна. Энэ сарын 16-наас урлаг соёл, спорт, олон нийтийн арга хэмжээ, худалдаа үйлчилгээний байгууллагуудын үйл ажиллагааг хэвийн горимд шилжүүлэх шийдвэр гаргажээ. Ингэснээр аймаг, нийслэлийн онцгой комиссынхон хуралдаж, үйлдвэрлэл үйлчилгээ, олон нийтийн арга хэмжээ, урлаг, соёлын байгууллагуудын халдвар хамгааллын дэглэм сахиулах чиглэлээр шийдвэр гаргана. 

Мөн бүх шатны боловсролын байгууллагын үйл ажиллагааг энэ сарын 21-нээс хэвийн горимд шилжүүлэх шийдвэр гаргалаа. Их, дээд сургуулийн үйл ажиллагааг  өмнө нь аравдугаар сарын 4-нд танхимаар хичээллүүлэхээр төлөвлөсөн байсан. Энэ хугацааг урагшлуулж, энэ сарын 21-нээс танхимаар оруулах шийдвэр гаргаад байна. 

Өндөржүүлсэн бэлэн байдлын зэрэг тогтоосон хугацааг аравдугаар сарын 31 хүртэл сунгах шийдвэр гаргалаа. 

Энэ талаар Засгийн газрын Хэвлэл мэдээлэл олон нийттэй харилцах хэлтсийн дарга Ц.Ганзориг мэдээлэл өгөв. Тэрбээр "Тусгаарлалтын хугацааг багасгах санал их ирж байна. Гэртээ тусгаарлагдах 14 хоногийг цуцлахаар болсон. Харин тусгаарлалтын 21 хоногийг хэвээр үлдээлээ. Хоёр настай хүүхдүүдийг цэцэрлэгт хамруулна. Бүх цэцэрлэг болон хүүхэд харах төвүүдэд хоёр настай хүүхдүүдийг явуулна. Баар цэнгээний газруудын үйл ажилагааг хэвийн горимд шилжүүлнэ" гэлээ. 

 

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. Юун ч хурдан шийддэг юм. 10 сардаа орсон дээр шдээ.

    0 1 Хариу бичих
  2. 10сардаа ормоор бн‼️‼️‼️

    0 0 Хариу бичих
  3. Дэлхий дахинд корона 2 үе нь дэгдээд, 1 өдөрт энэ вирус-г туссан хүмүүсийн тоо улам нэмэгдэж байхад манай улс улам назгайрч, маскаа ч зүүхээ больж, томуугийн дэгдэлт ихсдэг үеээр нь бага насны хүүхдүүдээ цэцэрлэг сургуульд нь оруулж, дээр нь хамгийн их ханийд томуу тээдэг оюутнуудыг танхимаар оруулж эхлэж байгаа нь ямар учиртай юм бэ????? Засгийн газар нь ийм шийдвэр гаргах гэж.... Их дээд сургуулиуд цахим хэлбэрээр хичээлээ ороод ядаж 10-05 ндаа оруулж болдоггүй л байсан юм байх даа.

    4 0 Хариу бичих
  4. Дээдэс амьдралаас тасарч биднийгээ өөрсөд шигээ боддог бололтой. Шууд гараад авъя гэснээ авчихдаг хүн ард түмэн дотор чинь хэд билээ дээ. Аймаар гэнэт тэдэнд гээд л ... Болио та нар.

    4 0 Хариу бичих