Гадаад харилцааны яамнас ОХУ, БНХАУ-тай хөгжүүлж буй харилцаа, Ковид-19 цар тахлын улмаас Хятад, Орост үзүүлэхээр амалсан манай улсын хүмүүнлэгийн тусламжийн явц байдал болон “Ногоон гарц” арга хэмжээг хэрхэн хэрэгжүүлэх, эдийн засгийг сэргээх, экспортыг нэмэгдүүлэхэд авч хэрэгжүүлж буй арга хэмжээний талаар мэдээлэл хийлээ.
ГХЯ-ны Бодлого, төлөвлөлтийн газрын захирал Ш.Одонбаатар "Цар тахлын үед болон түүний дараа эдийн засгаа сэргээх асуудал хамгийн чухалд тооцогдож байна.Энэ хүрээд манай яамнаас дараах чиглэлээр ажиллаж байна. Үүнд:
Гадаад харилцааны сайд Н.Энхтайван гадаад улсаас Монгол Улсад суугаа 11 Элчин сайд, түр хамаарагчтай уулзаад байна. Уулзалтаар эдийн засаг, хамтын ажиллагааг нэмэгдүүлж, цар тахлын үед аль аль талдаа хохирол багатай даван туулах боломжийн талаар ярьж байна.
Түүнчлэн гадаад орнуудын Засгийн газруудад хандаж Монгол Улсын иргэдэд бүх талын тусламж үзүүлээч гэдэг хүсэлт тавиад байгаа.
Консулын газрын дарга Л.Мөнхтүшиг энэ үеэр "ОХУ зөвхөн 3 улстай хилээ нээсэн. Үүнд, Танзани, БНТУ, ИБУИВУ-тай л хилээ нэгээд байна. Тиймээс иргэд ОХУ-аар дамжаад Монголдоо ирж болно гэсэн ташаа мэдээлэлд автахгүй байхыг хүсье.
ГХЯ-наас цаг үеийн асуудлаар мэдээлэл хийлээ. Энэ үеэр тус яамны Консулын газрын захирал Л.Мөнхтүшиг Чехээс ирсэн оюутан эмэгтэйн талаар дараах мэдээллийг өглөө.
ГХЯ-ны Консулын газрын захирал Л.Мөнхтүшиг "Юун түрүүнд Монгол Улсын хилээр иргэдийг нэвтрүүлэх чиг үүрэг нь ГХЯ-ны хариуцсан чиг үүрэгт хамаардаггүй. Тэгэхээр ГХЯ тухайн иргэнийг оруулах эсэхийг шийдэхгүй гэдгийг хэлье.
Чехээс ирсэн оюутны талаар мэдээлэл авсан даруйдаа үнэхээр тэр улсаас ирсэн эсэхийг тодруулах шаардлага үүссэн. ОХУ өөрийн хилээр нэвтрэх эрхтэй гурван улсыг зарласан. Үүнд Чех улс байхгүй.
Бид мэдээлийг авсан даруйдаа тухайн иргэний ар гэрийнхэнтэй холбогдсон. Одоогоор Чехээс том оврын машинд суугаад ирсэн гэдэг өгүүлэмжтэй л байгаа.
Нэг зүйлийг тодотгоод хэлэхэд Засгийн газар, УОК-ын шийдвэрээр 2020 оны гуравдугаар сарын 28-ны өдрөөс эхлэн Монгол-Оросын бүх боомтын хөдөлгөөнийг зогсоосон. Энэ шийдвэр хүчинтэй байгаа. Хэрэв Монгол Улсын иргэнийн татан авах тохиолдолд зохион байгуулалттайгаар хоёр тал тохиролцон хилээ нээж авч байгаа. Бид өнгөрсөн хугацаанд ОХУ-аас нийтдээ 1,700 иргэнийг татан аваад байна.
Чехээс ирсэн охины хувьд ГХЯ болон Элчин сайдын яаманд урьдчилж мэдэгдэлгүйгээр гэнэт ирсэн учраас хил хаалттай байсан. Хил нэвтрүүлэх шийдвэр гаргахаар холбогдох байгууллагууд удсан болов уу гэж бодож байна.
Энэ охин яаж ирсэн нь одоогоор албан ёсоор тодорхойгүй байгаа.
ОХУ-ын талаас тухайн улсын хилийн горим зөрчвөл хоёр жил хүртэл хорих ялтай байдаг гэдгийг анхааруулсан.
Мөн БНХАУ-ын хоёр иргэн хил зөрчин орж ирсэн гэх мэдээллийг түүнээс тодруулахад "Хил зөрчихтэй холбоотой асуудал Тагнуулын ерөнхий газар шалгадаг учраас бидэнд мэдээлэл алга байна" гэдэг хариулт өглөө.
Л.Мөнхтүшиг иргэдийг ОХУ-аар дамжаад Монголд ирэх боломжтой гэх ташаа мэдээлэлд автахгүй байхыг сануулав.
