Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын их насны морьд гараанаас гарлаа. Энэ жил 210 гаруй их насны морьд тоосоо өргөлөө. Их насны морьд 25 км-ийн зайнаас уралддаг.  Ийнхүү баяр наадмын их насны морьдын уралдаанд Завхан аймгийн Тосонцэнгэл сумын уяач С.Баярсайханы халиун морь түрүүллээ.  Уяач С.Баярсайханы халиун морь өнгөрсөн жил аман хүзүүдсэн юм.

Хурдан их насны морьдын айргийн тав:

1. Завхан аймгийн Тосонцэнгэл сумын уяач С.Баярсайханы халиун морь
2. Завхан аймгийн Завханмандал сумын уяач Ц.Мөнххуягын цавьдар морь гурав дахь жилдээ дараалан улсын баяр наадамд аман хүзүүдлээ.
3. Дундговь аймгийн манлай уяач С.Чинзоригийн хээр морь
4. Завхан аймгийн Тосонцэнгэл сумын Т.Галбадрахын бор морь
5. Ховд аймгийн Буянт сумын уяач Э.Батсуурийн саарал морь