Ш.Өлзийбаярын хөгжмийн бүтээл дэлхийд борлуулагдаж эхэллээ

Хөгжмийн зохиолч Ш.Өлзийбаярын "Чингисийн хүүхдүүд" киноны хөгжим өчигдрөөс эхлэн дэлхийн зах зээлд борлуулагдаж эхэллээ. Хоёр жилийн өмнөөс Английн "Plaza mayor" түгээлтийн компани санал болгож олон улсын зохиогчийн бүх эрх зүйг хангасны дараа энэ жил зохиогч гарын үсэг зурснаар өчигдөр Spotify, iTunes, Amazon music, Amazon, Soundcloud, Deezer, QQ, kkbox зэрэг дэлхийн топ порталуудад зэрэг тавигдлаа. Хөгжмийн зохиолч энэ хөгжмөөрөө Сочид (2018) болсон кино наадмаас шилдэг хөгжмийн зохиолч, киноны шилдэг хөгжим гэсэн хоёр шагнал хүртэж байсан. Монгол фильм, Уорнер Бразерс-ийн хамтын бүтээл энэ киног 2017 онд найруулагч Д.Золбаяр зохиож, найруулсан юм.

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)