Ганцхан өдөрт ослын улмаас 11 хүний амь нас хохирлоо

Өчигдөр Тээврийн цагдаагийн албанд иргэдээс 396 дуудлага мэдээлэл хүлээн авсан байна. Үүнээс зам тээврийн ослын шинжтэй 234 дуудлага мэдээлэл бүртгэгдэж, 11 хүн амиа алдлаа. Долдугаар сарын 9-ний өдөр 11 цаг орчимд Төв аймгийн Сэргэлэн сумын нутаг дэвсгэрт ДАЮУН маркийн мотоцикл онхолдож 57 настай эрэгтэй нас баржээ. Мөн өдөр 18:15 цаг орчимд Завхан аймгийн Тэлмэн сумын нутаг дэвсгэрт Toyota Alphard маркийн автомашин онхолдож долоон хүн амиа алдлаа.

16:45 цаг орчимд Булган аймгийн Хангал сумын нутаг дэвсгэрт Hyundai accent маркийн автомашин онхолдож 46 настай эрэгтэй, 19:30 цаг орчимд Дорнод аймгийн Гурван загал сумын нутагт ДАЮУН маркийн мотоцикл онхолдож жолооч Д 58 настай эрэгтэй энджээ. 22:25 цаг орчимд Дорнод аймгийн Баянтүмэн сумын нутаг дэвсгэрт Nissan Leberty маркийн автомашин явган зорчигч Э 3 настай охиныг мөргөж амь насыг нь хохироосон хэргүүд тус тус бүртгэгдсэн байна. Ийм хөдөлгөөнд оролцогч та бүхэн онцын шаардлагагүй бол орон нутгийн замыг зорихгүй байхыг анхааруулж байна. Орон нутгийн замд усархаг аадар бороо ихээр орж байгаатай холбоотойгоор зорчих хэсгүүд усанд автаж, эвдрэл ихтэй байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Манай биеийн тамирын багш Наранцэцэг нэг нь байж 8б ангийн багш бсан ум сайн амгалан болтугай

    0 0 Хариу бичих
  2. um sain amgalan boltugai

    0 0 Хариу бичих
  3. Ямар лалар нь инээж баясаад байна аа???!!!

    0 0 Хариу бичих