Туркээс иргэдээ татах тусгай үүргийн онгоц өнөө өглөө 06.30 цагт Улаанбаатараас хөөрсөн.

Истанбулаас Улаанбаатарын чиглэлд аялалдаа гарсан тусгай үүргийн онгоцонд нэгэн эх амаржиж хоёр ихэр охин төрүүлсэн тухай мэдээлэл ирлээ. Нислэгт яваа эрүүл ахуй халдвар хамгаалал, тархвар судлаач эмч нар эх хүүхдийг эсэн мэнд амаржуулан эмнэлгийн тусламж үйлчилгээ үзүүлж байна. Тусгай үүргийн онгоц өнөө шөнө 01:13 цагт Улаанбаатарт газардах бөгөөд амаржсан эхийн ар гэрийнхэнтэй холбогдож энэхүү баярт мэдээг хүргэж дуулгажээ.