АНУ-ын Холбооны мөрдөх товчооны захирал Кристофер Рэй Вашингтон дахь Гудзоны институтэд мэдээлэл хийхдээ БНХАУ-ыг Нэгдсэн улсын хамгийн том дайсан гэж ярьжээ. Одоо Нэгдсэн улсад явуулж буй тагнуул, мэдээлэл хулгайлах ажиллагаагаар БНХАУ тэргүүлж байгаа бөгөөд ирээдүйд дэлхийд ноёлох замд нь хамгийн их саад болох өрсөлдөгч нь чухам БНХАУ гэж К.Рэй хэлсэн байна.
Түүний хэлснээр БНХАУ сүүлийн жилүүдэд хилийн чанадад амьдарч байгаа иргэдээ мөрдөж мөшгих ажил идэхтэй хийж байгаа бөгөөд тэднээр дамжуулан тухайн улсын талаарх мэдээллийг олж авдаг болсон гэнэ. Одоо хятадуудын гол зорилго нь коронавирусийн вакцин бүтээх АНУ-ын судалгааны ажилд саад болох явдал гэдгийг ч тэрээр хэлжээ.
БНХАУ одоо дэлхийд нэн шаардлагатай эдийг дангаар үйлдвэрлэгч болохын тулд бүх хүч чадлаа шавхаж байна гэж тэрээр хэлсэн байна.
