COVID-19: АНУ-д 55 мянга, Бразилд 48 мянган тохиолдол шинээр бүртгэгджээ

АНУ-д өнгөрсөн 24 цагийн хугацаанд 55.442 хүн коронавирусийн халдвар авч, 993 хүн нас баржээ. Долоодугар сар гарснаас хойш АНУ-д хоногт шинээр халдвар авагчдын тоо 45 мянгаас дээш давсан үзүүлэлттэй байгаа юм. 

Мөн Бразилд өнгөрсөн 24 цагийн хугацаанд коронавирусний халдварын 48584 шинэ тохиолдол бүртгэгдсэн байна. Тус улсад коронавирусийн нийт халдварын тоо өнөө өглөөний  байдлаар 1.674.655 болж, 1.072.229 хүн эдгэрээд байгаа аж. 

Бразилын Эрүүл мэндийн яамнаас мэдээлснээр өнгөрсөн 24 цагийн хугацаанд тус улсад коронавирусний халдварын улмаас 1254 хүн нас барж, нийт нас баралтын тоо 66.868 болсон байна. Гэхдээ тус улс халдвар, нас баралтын тоогоороо дэлхийд АНУ-ын дараа хоёрдугаарт бичигдэж байгаа юм. 

Дэлхий нийтээр өнөөдрийн байдлаар 11,949,280 хүн коронавирусийн халдвар авч, 546,601 хүн нас барж, 6,849,545 хүн эдгэрээд байна. 

---