Хятадад 2012 онд SARS-CoV-2 коронавирустай генийн хувьд маш ойролцоо халдвар бүртгэгдэн гурван хүн амиа алдсан гэж The Sunday Times сонин ням гарагт мэдээллээ.
Энд өгүүлснээр, вирусийн дээж Уханийн лабораторид зургаан жилийн турш хадгалагдаж байжээ. Түүнийг олж илрүүлсэн хятад мэргэжилтнүүд коронавирусийг RaBtCov/4991 нэрийн дор судалсан ч хожим нэрийг нь RaTG13 гэж сольсон аж. Гэхдээ 2012 оны өвчний дэгдэлттэй холбогдуулж ярилгүй чимээгүй өнгөрчээ.
2012 оны дундуур Юньнань мужийн Куньминь хотын эмнэлэгт зэсийн хаягдсан уурхайгаас сарьсан багваахайн ялгадас цэвэрлэж байхдаа хатгаа нь хүндэрсэн зургаан хүнийг авчирсан байна. Өвчтөнүүдэд SARS-CoV-1 вирусийн 2002 оны дэгдэлттэй тун төстэй шинж тэмдэг тэднээс илэрч байжээ. Улмаар гурав нь нас барсан юм. Үхлийн аюултай вирус хадгалж байж болзошгүй уурхайг Уханийн судлаачид хожим судалжээ. Ингэхэд уурхайгаас авсан 276 сарьсан багваахайн ялгадаст коронавирусээс гадна SARS-CoV-1тэй төстэй цорын ганц өсвөр илэрсэн байна. Гэхдээ энэ өвчний дэгдэлтийн талаар хожим дараад өнгөрчээ.