Найруулагч Роберт Земекисийн "Форрест Гамп" кино 1990-ээд оны хамгийн шилдгээр нэрлэгдсэнийг Америкийн Frontier Communications компанийн судалгаа харууллаа.

Турк, Армения, Литва, Израиль,Таиланд тэргүүтэй 22 улсад энэ киног шимтэн үздэг гэнэ. Тэгвэл хоёрдугаар байранд орсон "Гэртээ ганцаараа" кинонд Латви, Нидерланд, Серби, Гүрж зэрэг 20 орны үзэгчид санал өглөө.

АНУ, Австрали, Мексик, Аргентины үзэгчдийн таашаадаг "Юрийн галавын цэцэрлэг" кино жагсаалтыг гуравт бичигдсэн байна.

Уянгын драм "Сүнс" 12 оронд үнэлэгддэг бол "Титаник" 11 орны үзэгчдэд таалагддаг байна. Өөр найман орны үзэгчид "Хар хувцастай хүмүүс" киног илүүд үзжээ.

Хүүхэлдэйн киноноос "Араатны хан арслан" долоон оронд алдартай, харин Боливи, Бангладеш, Арабын нэгдсэн Эмиратын үзэгчид саналаа "Аладдин» (1992) кинонд өгчээ. Япончууд "Терминатор 2" (1991), шинэ зеландчууд "Армагеддон" (1998) киног шилдэг гэж дүгнэв.